एक्सपर्ट्स म्हणतात सर्दी, खोकला, कफ, तापासाठी कशाला हवा लगेच दवाखाना? 5 मिनिटाचे ‘हे’ रामबाण घरगुती उपाय ट्राय तर करून बघा..!

सर्दी आणि थंडीत माणसाची अवस्था अक्षरश: दयनीय होते. हे टाळण्यासाठी न्युट्रिशनिस्टनी काही घरगुती उपाय सुचवले आहेत, जे तुम्हाला बरे वाटण्यास मदत करतील.

हिवाळा हा असा काळ असतो जेव्हा आपल्यापैकी बहुतेक लोकांना सकाळी घसा खवखवणे आणि नाक बंद होणे या समस्यांचा सामना करावा लागतो. विशेषत: हिवाळा सुरू झाल्यावर कमजोर रोगप्रतिकारक शक्ती असलेले लोक सर्दी आणि ताप या आजारांना अगदी पटकन बळी पडतात. थोडीशी थंडी पडल्यावर सर्दी-पडसं होणं सामान्य आहे पण यातून सामान्य स्थितीत येण्यासाठी सुमारे एक आठवडा लागतो. होय,

सर्दीसाठी तुम्ही एक किंवा दोन आठवडे नियमितपणे औषधे घेऊ शकता, पण सर्दी फक्त औषधांच्या मदतीने बरी करता येऊ शकत नाही. न्यूट्रिशनिस्ट एकता सूदने तिच्या इंस्टाग्राम हँडलवर काही घरगुती उपाय शेअर केले आहेत, जे सर्दी आणि पडश्यापासून आराम मिळवून देण्यासाठी खूप प्रभावी आहेत.
सर्दी असताना ही काळजी घ्याच

तुमच्या आहारात किण्वित किंवा फेमेंटेड खाद्यपदार्थ आणि पेयांचा वापर दैनंदिन आणि सर्दी खोकला झाल्यावर करावा. हे तुमच्या जलद पचनासाठी चांगले असतात. हा आहार घेतल्यास तुमची रोगप्रतिकारक शक्ती वाढते.

सर्दी झाल्यावर साखर आणि अॅसिडपासून बनवण्यात येणाऱ्या पदार्थांचं सेवन टाळा.
या काळात जास्तीत जास्त व्हिटॅमीन सी युक्त पदार्थांचं सेवन करा.
सर्दी-खोकला झाल्यावर आपल्या शरीराच्या स्वच्छतेची जास्तीत जास्त काळजी घ्या. वेळोवेळी हात धुवा.
जास्त सर्दी झाल्यास जास्त गर्दीच्या ठिकाणी जाणं टाळा.
सर्दी झाल्यावर जास्त ऊन आणि धूळीचा संपर्क टाळा. त्यामुळे सर्दी जास्त वाढेल.

हायड्रेटेड राहा
जेव्हा तुम्हाला सर्दीचा त्रास होत असेल तेव्हा दिवसभर हायड्रेटेड राहणे फार महत्वाचे आहे. दिवसभर भरपूर पाणी प्या आणि शक्य असल्यास कोमट पाण्यात मध किंवा लिंबू मिसळून ते पाणी प्या. तुम्हाला हवे असल्यास तुम्ही दिवसभरात फळांचा रस देखील पिऊ शकता. स्वतःला हायड्रेट ठेवल्याने रक्तसंचय कमी होण्यास मदत होते आणि डिहायड्रेशन टाळता येते. या काळात शक्य असल्यास कॅफिन आणि अल्कोहोलयुक्त पेये पिणे कटाक्षाने टाळा.

हा खास चहा प्या
न्यूट्रिशनिस्टने सर्दी-पडश्यासाठी आले-लसणाच्या चहाची रेसिपी शेअर केली आहे. यासाठी आपल्याला आवश्यक सामग्री आहे

आले - 1 तुकडा
लसूण - 3 पाकळ्या
दालचिनीची काडी - 1/4
तुळशीची पाने - 3 किंवा 4
मेथी दाणे - 1 टीस्पून
कच्ची हळद - 1 तुकडा
पाणी - 1 लिटर
मध - 1 टीस्पून
लिंबू - अर्धा

आले-लसणाचा चहा कसा बनवायचा?
प्रथम आले आणि लसूण किसून घ्या.
मध आणि लिंबू सोडून वर नमूद केलेली सर्व सामग्री पाण्यात उकळा.
मंद आचेवर मिश्रण अर्धे होईपर्यंत उकळून घ्या आणि ते गाळून कपमध्ये ओता.
आता त्यात लिंबू आणि मध घाला.
हा चहा दिवसातून दोनदा प्या.
तुम्ही ते एकदा बनवून दिवसभर पिऊ शकता.


सूर्यप्रकाश घ्या
न्यूट्रिशनिस्ट एकता सूद सांगतात की, सर्दी झाल्यावर थोडं सनबाथ घेतलं तर सर्दीपासून आराम मिळतो. सर्दी झाल्यास जास्त वेळ उन्हात बसल्याने खूप फायदा होईल. अशाप्रकारे आपण अधिक जीवनसत्व-डी शोषण्यास सक्षम व्हाल, जे रोगप्रतिकारक शक्ती वाढविण्यात मदत करेल. याशिवाय उन्हात बसल्याने विशेषतः हिवाळ्याच्या दिवसांत तुम्हाला स्वतःला पूर्वीपेक्षा अधिक ऊर्जावान (energetic) झाल्यासारखं वाटेल.

आराम करा
न्यूट्रिशनिस्टच्या म्हणण्यानुसार, सर्दी-पडसं झालेलं असताना शक्य तेवढी विश्रांती घ्या. याचे कारण असे की आपल्या शरीराला बरे होण्यासाठी आणि त्वरीत सामान्य स्थितीत येण्यासाठी विश्रांतीची खूप आवश्यकता असते. तुम्ही जितका जास्त आराम कराल तितका रिकव्हर होण्यास कमी वेळ लागेल.

गरमा गरम सूप प्या
थंडी असताना गरमागरम काही प्यायल्याने किंवा खाल्ल्याने घशाला खूप आराम मिळतो. सर्दी झालेली असताना गरमागरम मिरपूड चिकन किंवा टोमॅटो सूप प्यायल्यास खूप बरे वाटते असे न्युट्रिशनिस्ट सांगतात. थंडीत कोणतेही गरम पेय पिणे ही फार जुनी कृती आहे. हे कफ काढून कंजेशन कमी करण्यास मदत करते. मात्र, सर्दी बरी करण्यासाठी रात्री गरमागरम काढा पिणे हा देखील एक चांगला पर्याय आहे. यामुळे तुम्हाला दुसऱ्या दिवशी खूप छान वाटते. त्यामुळे सर्दी-पडश्यापासून दूर राहण्यासाठी येथे सांगितलेले घरगुती उपाय तुम्हाला आराम देऊ शकतात, परंतु ते प्रत्येकाला सूट होतीलच असे नाही. जर तुम्हाला ब-याच काळापासून सर्दी-पडश्याचा त्रास होत असेल तर तुम्ही या उपायांवर अवलंबून राहू नका तर शक्य तितक्या लवकर डॉक्टरांशी संपर्क साधा.

व्हिटॅमिन 'सी'
तुमच्या शरीराच्या विकासासाठी व्हिटॅमीन सी फार महत्त्वपूर्ण आहे. आरोग्यासाठी व्हिटॅमीन सी खूपच फायदेशीर आहे. संत्र, लिंबू, द्राक्ष, आवळा आणि पालेभाज्या यांचं सेवन केल्यास तुमची व्हिटॅमीन सी ची गरज पूर्ण होते. गरम चहामध्ये लिंबाचा रस आणि मध घातल्यास तुम्हाला सर्दीदरम्यान होणारा कफचा त्रास लगेच कमी होतो. व्हिटॅमीन सीचं नियमित सेवन केल्यास तुमचं सर्दी आणि सायनसच्या संसर्गापासून संरक्षण होईल.