सडपातळ शरीरामुळे त्रस्त आहात ? वजन वाढवण्यासाठी हे 5 घरगुती उपाय करा ट्राय

हल्ली पीळदाळ शरीरयष्टी म्हणजेच मस्कुलर बॉडी करण्याचा ट्रेंड आहे. प्रत्येक तरुणाला आपली मस्कुलर बॉडी असावी अशी इच्छा असते. काही जण त्यासाठी प्रयत्न करतात तर अनेक जण फक्त विचारच करतात, त्यांच्याकडून कृती होत नाही. यामागे अनेक कारणं असू शकतात. पण मस्कुलर बॉडी करण्याची इच्छा तरुणांना असतेच.

प्रत्येक व्यक्तीला वजन वाढवून त्यांच्यासारखी पीळदार शरीरयष्टी बनवायची असते. परंतु, तुम्हाला माहीत असेल की वजन वाढवणं आणि बॉडी बनवणं यात खूप अंतर आहे. त्याचपद्धतीने वजन वाढवणं आणि योग्य पद्धतीनं वजन वाढवणं यात खूप अंतर आहे.

कदाचित आता तुमच्या मनात 

वजन कसं वाढवायचं (How to gain weight) 
वजन वाढवायच्या पद्धती (Ways to gain weight) 
 योग्य पद्धतीने वजन कसं वाढवायचं (How to gain weight properly)

यासारखे अनेक प्रश्न उपस्थित होतील. यातील योग्य मार्ग कोणता याचा तुम्ही विचार करत असाल.

मित्रांनो मी तुम्हाला सांगू इच्छितो की, बहुतांश लोक वजन कमी करण्याचा प्रयत्न तर करतात, पण योग्य दिशेनं त्यांचे प्रयत्न सुरु नसतात. काही जण तर असे असतात की, वजन वाढवण्यासाठी चुकीच्या गोष्टी करुन आपलं वजन वाढवण्याऐवजी कमी करुन बसतात. 

याचं महत्त्वाचं कारण म्हणजे तुम्हाला असलेली अर्धवट माहिती (Incomplete information), योग्य दिशेने मेहनत न करणे, एक्सपर्टचा सल्ला न घेणे आदि कारणं असू शकतात. योग्य दिशेने वजन वाढवणं एक कठीण काम आहे आणि यासाठी योग्य मेहनतीचीही गरज असते. 


दरम्यान, वजन वाढवण्याच्या अनेक पद्धती आहेत, पण याचा बेसिक फंडा हा, वजन वाढवणाऱ्या सप्लिमेंट्सवर जास्त अवलंबून न राहता वजन वाढवण्यासाठी दैनंदिन भोजनातूनच अधिक कॅलरी मिळवण्याचा प्रयत्न करणे. 

आज मी तुम्हाला या लेखात योग्य पद्धतीने वजन वाढवण्यासाठी घरगुती वस्तू/पदार्थ (Household things to increase weight) सांगणार आहे. या वस्तू तुमच्या घरात अत्यंत सहज उपलब्ध होऊ शकतात आणि त्याच्या मदतीने तुम्ही तुमचं वाजन वाढवू शकता. 


तुमचं वजन वाढवण्याची गरज आहे की नाही ?

बॉडी मास इंडेक्स (BMI) सांगतं की, तुमचं वजन तुमच्या उंचीच्या हिशोबाने योग्य आहे की नाही. यामुळे तुमच्या बॉडीची अंडरवेट, हेल्दी, ओवरवेट (Underweight, healthy, overweight) कॅटेगरी सांगते. हे पण म्हणता येईल की, तुमच्या शरीरातील फॅटचा अंदाज लावण्यासाठी BMIचा उपयोग होतो.

भारतात कमी वजन असलेल्या लोकांचा बॉडी मास इंडेक्स (BMI) 18.5 पेक्षा कमी असतो. कमी बॉडी इंडेक्स असणारे लोक अंडरवेट म्हटले जाते. अशांना वजन वाढवण्याची गरज असते. ज्यांचा BMI 25 पेक्षा जास्त असतो, त्यांना ओवरवेट मानले जाते, त्यांना वजन कमी करण्याची आवश्यकता असते. 

BMI च्या माध्यमातून तुम्ही ओवरवेट किंवा लठ्ठ आहात, हे समजू शकतं. माणसाचा BMI जितका जास्त असतो, त्यामुळं उच्च रक्तदाब (High Blood Pressure), मधुमेह (Diabetes) सारख्या आजारांची लागण होऊ शकते. तर कमी BMI मुळे हाडं कमकुवत होणं, रोग प्रतिकारक क्षमता कमी होणं, ऍनिमिया (Anemia) आदि आजार होऊ शकतात. 
BMI कॅटेगरी : 

अंडरवेट = 18.5 पेक्षा कमी 

 नॉर्मल वेट = 18.5 ते 24.9 

 ओवर वेट = 25 ते 29.9 

 अत्याधिक लठ्ठपणा = 30 किंवा त्यापेक्षा जास्त 
वजन वाढवण्याचे घरगुती उपाय
1. फुल फॅट दही (Full Fat Yogurt)

home remedies tips to weight gain in marathi © Gettyimages

हाय फॅट आणि क्रिम असणारे दही तुमचं वजन वाढवण्यासाठी मदत करु शकतात. फुल फॅट असणाऱ्या दहीत प्रोटिन, कार्बोहायड्रेट आणि फॅट (Protein, Carbohydrate and Fat) सारख्या पोषक तत्त्वांची मात्रा मोठ्याप्रमाणात आढळून येते. यामुळे वजन वाढण्यास मदत होते.

नाश्ता किंवा स्नॅक्समध्ये याचं सेवन केल्यास तुमचं वजन वाढवण्यासाठी जास्त फायदा मिळू शकतो. त्याचबरोबर ड्रायफ्रूट्स आणि मध (Dry fruits and honey) एकत्रित खाऊ शकता. यामुळे तुमच्या शरीराला काही एक्स्ट्रा कॅलरी मिळतील आणि हळूहळू तुमचं वजन वाढेल. त्याचबरोबर दहीमध्ये कोको पावडर, अक्रोड, साखर, क्रिम आणि मलई एकित्रत खाल्ल्याने वजन वाढू शकते. पण दहीमध्ये जास्त साखर मिसळून खायचं नाही, हे लक्षात ठेवा. नाहीतर कार्बची मात्रा जास्त होऊ शकते. 
2. बटाटा आणि स्टार्च (Potatoes and Starch) 

बटाटा खाल्ल्याने वजन वाढते हे सर्वांना माहीत आहेच. परंतु, बटाट्याबरोबर तुम्ही स्टार्च घेतल्यास तुमच्या शरीराला आणखी एक्स्ट्रा कॅलरी मिळतील, जी तुमचं वजन वाढवण्यास मदत करु शकतात. स्टार्च, मसल्समधील ग्लाइकोजन धरुन ठेवतात, त्यामुळे वजन वाढतं.

बटाट्यामध्ये मोठ्या प्रमाणात कार्बोहाइड्रेट आढळून येतं. तुम्हाला माहीतच आहे की, कार्बोहाइड्रेटमुळे वजन वाढण्यास मदत होते. त्याचबरोबर बटाट्याची भाजी, उकडलेला बटाटा सारखे पर्याय निवडू शकता. त्याचबरोबर सँडविचमध्येही बटाटा मॅश करुन तो खाऊ शकता. 
3. दूध आणि मध (Milk And Honey)
मध वजनाचा समतोल साधतो. जर तुम्ही ओवरवेट असाल तर ते तुमचं वजन कमी करण्यासाठी मदत करतं आणि जर तुमचं वजन कमी असेल तर वजन वाढवण्यासाठी मदत करतं.

रोज झोपण्यापूर्वी किंवा नाश्ता करताना दूधाबरोबर दोन चमचे मध घेतल्याने वजन वाढू शकतं. मध खाण्याचे अनेक फायदे (benefits of eating honey) आहेत. त्यामुळे एक्सपर्टही साखरेऐवजी मध खाण्याचा सल्ला देतात. 
4. ड्रायफूट्स आणि दूध (Dryfruits And Honey) 
सकाळी-सकाळी सुका मेवा किसून गरम दुधात घालून पिल्याने वजन वाढते. यासाठी खास बदाम, खजूर आणि अंजीरबरोबर गरम दूध पिल्याने जास्त फायदा होतो. मनुक्यांचीही मदत घेता येते.

तुम्ही रोज आपल्या डाएटमध्ये 30 ग्रॅम मनुके घेऊ शकता. त्यामुळे काही दिवसांतच तुमच्या वजनात फरक पडलेला जाणवेल. ड्रायफ्रूट म्हणून तुम्ही बदाम, अक्रोड, खसखस, काजू, अंजीर आदिंचं सेवन करु शकता. 
5. डेअरी पदार्थ (Dairy Products)
तुम्ही वजन वाढवण्यासाठी डेअरी पदार्थांचा उपयोग केला पाहिजे. दूध, दही, लोणी आणि पनीरसारख्या पदार्थांचा तुमच्या आहारात समावेश केल्यास त्याचा फायदा होतो.

यामध्ये फॅट, व्हिटामिन आणि कॅल्शियम (Fat, vitamins and calcium) मोठ्याप्रमाणात असतं. दहीमध्ये प्रोटिन जास्त असतं, यामुळे दीर्घ काळापर्यंत तुमचे पोट भरल्यासारखं वाटतं. त्याचबरोबर हळूहळू शरीरात प्रोटिनची मात्रा वाढल्याने तुमचं वजनही वाढू लागतं. त्याचबरोबर नॉनव्हेजही प्रोटिनचा चांगला सोर्स असतो. 

त्याचबरोबर वजन वाढवण्यासाठी तुम्ही दिवसात एकावेळी जेवण्याऐवजी 5 ते 6 वेळा थोडं-थोडं करत डाएट घेऊ शकता. 

आता तुमच्या लक्षात आलं असेल की तुम्हाला काय खायचं आणि काय खायचं नाही ते. मग आता कशाची वाट पाहताय, या पदार्थांचा समावेश आपल्या डाएटमध्ये करा. तुम्हाला काही दिवसातच तुमच्यामध्ये फरक झालेला दिसेल.