बाळाला बेबी पावडर लावण्याचे फायदे आणि नुकसान!

बाळाला अंघोळ घातल्यानंतर आणि त्याचं डायपर बदलल्यानंतर आई टॅल्कम पावडरचा वापर करते. पण तुम्हाला माहित आहे का बाळाच्या शरीरावर अथवा त्वचेवर पावडरचा वापर करणं सुरक्षित आहे की नाही?
 
बाळ जन्माला आल्यानंतर त्याच्या आरोग्यापासून त्याचा आहार, त्याच्या त्वचेचं संरक्षण आणि बरंच काही सारं काही आई-वडिलांना अगदी चोख पाहावं लागतं. जन्मानंतर काही दिवसांतच बाळाला न्हाऊ घालायला सुरुवात होते आणि मग अंघोळ घातल्यावर अलगद हातांनी किंवा स्पंजने त्याच्या संपूर्ण शरीरावर पावडर लावून, हातांवर, पायांवर, कपाळावर काजळाचं तीट लावलं जातं. त्याला शांत झोप लागावी आणि नजर तीक्ष्ण व्हावी म्हणून डोळ्यांतही काजळ घातलं जातं. असा सर्व मेकअप झाल्यानंतर बाळ छान झोपी जातं.

याव्यतिरिक्त बाळाने शी किंवी शु केली की मग त्याचं डायपर बदललं जातं आणि त्याला कोमट पाण्याने पुसून घेतलं जातं त्यावेळीही त्याच्या पायांना टॅल्कम् पावडर लावला जातो. पावडर लावल्याने बाळाच्या शरीरातून सुगंध येतो आणि त्याच्या सौंदर्यातही भर पडते. पण पावडर हा बाळाच्या थेट त्वचेवर लावला जातो. बाळाची त्वचा नाजूक आणि खूपच पातळ असते त्यामुळे कधी कधी हा पावडर बाळाच्या त्वचेला हानिकारक देखील ठरु शकतो. ब-याच महिलांच्या मनात पावडर लावताना संभ्रम असतो. आज आम्ही तुम्हाला याच विषयी माहिती देणार आहोत की बाळाला पावडर लावणं सुरक्षित आहे की नाही?
कशापासून बनतो टॅल्कम पावडर?
टॅल्कमबेस्ड बेबी पावडर मिनरल टॅल्कपासून बनलेला असतो. ज्यामध्ये जास्तीत जास्त मॅग्नेशियम, सिलिकॉन आणि ऑक्सिजन असतो. हा टॅल्कम पावडर शरीरातील माइश्चराइज शोषून घेतो आणि त्वचेवर होणारी जळजळ कमी करतो. ज्यामुळे रॅशेस आणि डायपरमुळे होणारे रॅशेस रोखण्यास मदत मिळते. ब-याच पावडर मध्ये टॅल्क नसतं. म्हणूनच खरेदी करण्याआधी पावडरच्या डब्ब्यावरील लेबल जरुरु तपासा. टॅल्कम पावडर मध्ये नेहमी दोन गोष्टी असतात. टेल्क आणि परफ्युम. बेबी पावडर मध्ये एक तर टॅल्क असतं किंवा कॉर्नस्‍टार्च, कारण हे माइश्चरला शोषून घेतं.

बेबी पावडर सुरक्षित आहे का?
अमेरिकन एकेडमी ऑफ पीडियाट्रिक्‍सच्या म्हणण्यानुसार बाळाला बेबी पावडरची गरज नसते. कित्येक अभ्यासात समोर आले आहे की श्वास घेताना पावडर जर बाळाच्या तोंडातून शरीरात गेला तर फुफ्फुसांना गंभीर नुकसान होऊ शकतं. श्वास घेण्यास अडथळा येणं, जीव गुदमरणं इतकंच काय तर जीवावरही बेतू शकतं. म्हणून पावडर नाही लावला तरी जास्त फरक पडत नाही. जर पावडर लावत असाल तर तो व्यवस्थित पुसून घ्या.

कोणता बेबी पावडर आहे योग्य?
बाजारात तुम्हाला अनेक ब्रॅंडचे बेबी पावडर मिळतील पण हेच योग्य ठरेल की तुम्ही रिसर्च करुन मगच बाळासाठी पावडर खरेदी करावा. कोणत्यातरी चांगल्या आणि विश्वसनीय ब्रॅंडचाच पावडर खरेदी करा. जितकं शक्य असेल तितकं टॅल्कम बेस्ड बेबी पावडरचा वापर टाळावाच. डॉक्‍टर कॉर्न स्‍टार्च पासून बनवलेल्या पावडरचा वापर जास्तीत जास्त करावा असा सल्ला देतात. कारण त्याचे कण मोठ मोठे असतात त्यामुळे ते हवेत सहजपणे मिसळू शकत नाहीत. पण तरिही काही प्रकरणांमध्ये कार्न स्टार्च बेस बेबी पावडरने समस्या उद्भवू शकते. यामुळे कॅन्डिडा बनू शकतं जे की डायपर रॅशेस अधिकच वाढवू शकतं. यामुळे हेच उत्तम होईल की तुम्ही बेबी पावडरचा वापर करुच नये किंवा कमी करावा.

पावडरचा वापर करताना घ्या ही काळजी
नेहमी योग्य पावडरची निवड करा आणि त्याचा वापरही योग्य पद्धतीनेच करा. खाली दिलेल्या टिप्सचा जरुर वापर करा

हातांवर थोडासा पावडर घ्या आणि हलक्या हातांनी तो बाळाच्या त्वचेवर वरच्या वर थापावा.
पावडर लावताना डब्बा बाळाच्या हातापासून लांब ठेवा आणि हातावरही एकदम कमी मात्रेत पावडर घ्या. यामुळे बाळ श्वासावाटे पावडर आत नाही घेणार
बाळाच्या चेह-यावर पावडर लावू नका कारण यामुळे त्यांना श्वास घेण्यास अडथळा निर्माण होऊ शकतो. तसेच पावडर श्वासावाटे बाळाच्या शरीरात गेला तर फुफ्फुसाला इजा होऊ शकते.

बेबी पावडरला पर्याय
जर तुम्ही बेबी पावडरला वेगळी सुरक्षित पर्याय शोधत असाल तर लवेंडर या कैमोमाइल सारख्या इसेंशियल ऑईलचा वापर करु शकता. यात अॅंटी इंन्फ्लामेट्री गुणधर्म असतात आणि तीन महिन्याच्या बाळाला तुम्ही हा पावडर लावू शकता. जर याच्या वापरानंतरही त्वचेवर रॅशेस येत असतील तर ताबडतोब याचा वापर करणं बंद करा. कारण प्रत्येकाची त्वचा आणि त्वचेचा पोत वेगळा असतो. त्याच्या त्वचेवर कोणता पावडर नक्की सुट होईल हे सांगू शकत नाही. त्यामुळे ज्याचा वापर कराल तो पावडर आधी तपासून पाहा.