‘हा’ पदार्थ खाल्ल्यामुळे पोटाची वाढलेली चरबी झटपट होईल कमी, ७ आयुर्वेदिक उपाय ठरतील रामबाण

वजन वाढणं ही समस्या सामान्य असली तरी आज बहुतांश लोक या समस्येमुळे त्रस्त आहेत. वाढलेली पोटाची चरबी तर कमी करणं म्हणजे मोठा टास्कच असतो. अशावेळी तुम्ही काही आयुर्वेदिक उपायांचा आधार घेऊ शकता.

प्रमाणापेक्षा वजन वाढलं आहे किंवा दिवसेंदिवस मी लठ्ठ होत आहे हे वाक्य तुम्ही कित्येक लोकांच्या तोंडून ऐकलं असेल. वाढलेलं वजन कमी करणं म्हणजे बहुतांश लोकांसाठी ही मोठी समस्या असते. डाएट कोणतं फॉलो करावं, वर्कआउट काय करावं असे असंख्य प्रश्न अनेकांच्या मनात असतात. मग अशावेळी तुम्ही वजन कमी करण्यासाठी विविध मार्ग निवडता. वजन कमी करत असताना एक समस्या सतत भेडसावते ती म्हणजे पोटाची चरबी. पोटाची वाढलेली चरबी कमी करण्यासाठी प्रचंड घाम गाळावा लागतो.

पोटाची चरबी कशी कमी करता येईल यावर आयुर्वेदिक डॉक्टर श्याम वीएल यांनी एक सोपा मार्ग सांगितला आहे. या डॉक्टरांच्या म्हणण्यानुसार, लाइफ स्टाइलमध्ये काही बदल केले तर तुम्ही पोटाची चरबी कमी करू शकता. पोटाची चरबी कमी करणं म्हणजे तारेवरची कसरत. पण योग्य डाएट आणि व्यायामाच्या सहाय्याने तुम्ही पोटाची चरबी कमी करू शकता. पोटाची चरबी कमी करण्यासाठी आयुर्वेदिक डॉक्टरांनी सांगितलेल्या महत्त्वपूर्ण टिप्स या लेखाच्या आधारे आपण जाणून घेऊया.

मेथीच्या पाण्याचे सेवन
वाढतं वजन म्हणजे अनेक आजारांना निमंत्रण. म्हणूनच वेळीच वजन कमी करण्यासाठी तुम्ही योग्य तो उपाय केला पाहिजे. पोटाची चरबी कमी करण्यासाठी सर्वाधिक उपयुक्त ठरते ती मेथीच्या दाण्यांची पावडर. सकाळी उठल्यानंतर रिकाम्या पोटी एक ग्लास पाण्यामध्ये मेथीच्या दाण्यांची पावडर मिक्स करा. आणि सकाळी उठल्यानंतर काही न खाता नियमित या पाण्याचं सेवन करा. तुम्ही न चुकता या पाण्याचं सेवन केलात तर काही दिवसांमध्येच पोटाची चरबी कमी होण्यास तुम्हाला मदत मिळू शकेल.

​जेवण्याची योग्य पद्धत
वजन कमी करण्यासाठी तुमच्या नेहमीच्या सवयी, दिनक्रम बदलण्याचा निर्णय घेता. पण यामुळे मिळणारे फायदे आणि त्याचा आपल्या शरीरावर होणारा परिणाम याबाबत देखील माहिती असणं गरजेचं आहे. जेवण्याची योग्य पद्धत देखील तुम्हाला माहित असली पाहिजे. जेव्हा तोंडातील लाळेमध्ये कार्बोहायड्रेट जमा होतं तेव्हा पचनक्रियेला सुरुवात होते. म्हणूनच जेवण पूर्णपणे चावून खाल्लं पाहिजे. जेवताना प्रत्येक घास तुम्ही चावत असाल तर त्याचे बारीक बारीक तुकडे होतात. यामुळे तुमची पचनक्रिया देखील सुधारते. तसेच सॅटिटी हार्मोनमध्ये वाढ होऊन तुम्हाला पोट भरल्यासारखं वाटतं.

कोमट पाणी प्या
तुम्ही नेहमी थंड किंवा साधं पाणी पिता. मात्र ही चूक कधीही करू नका. जेव्हा तुम्हाला तहान लागेल तेव्हा कोमट पाणी पिण्याचा प्रयत्न करा. कोमट पाण्यामुळे शरीरामधील चयापचय शक्ती अधिक वाढते आणि यामुळे वजन कमी करण्यास भरपूर मदत मिळू शकते. तसेच शरीर हायड्रेट देखील राहते. आणि याचा सर्वात मोठा फायदा म्हणजे पोटामध्ये जमा होणारी अतिरिक्त चरबी यामुळे कमी होण्यास अधिक मदत मिळते. या पाण्याव्यतिरिक्त तुम्ही फळं किंवा ज्यूसचे देखील सेवन करू शकता. फळांमुळे पचनक्रिया सुधारते आणि वजन देखील कमी होण्यास मदत मिळते.

​वेगाने चाला
वजन कमी करण्यासाठी नियमित व्यायाम हा अधिक महत्त्वाचा भाग आहे. नियमित व्यायाम, योग केल्यामुळे शरीर देखील निरोगी राहते. आयुर्वेदामध्ये देखील नियमित व्यायाम करण्याचा सल्ला दिला जातो. तसेच तुम्ही वेगाने चालणं देखील गरजेचं आहे. पोटांच्या कडा पकडून जवळपास ३० मिनिटे तुम्ही वेगाने चाला. यामुळे पोटाची चरबी कमी होण्यास भरपूर मदत मिळू शकते. याव्यतिरिक्त तुम्ही योग आणि पायलेट्स देखील करू शकता. पोटाची चरबी कमी करण्यासाठी हे व्यायाम प्रकार अधिक फायदेशीर ठरू शकतात.

हलकं जेवण
डॉक्टर श्याम यांच्या म्हणण्यानुसार, नियमित कॅलरीच्या ५० टक्के कॅलरी तुम्ही दुपारच्या जेवणामध्ये खा. कारण यावेळी तुमची पचनक्रिया अधिक मजबूत असते. तसेच रात्रीच्या जेवणामध्ये तुम्ही कमीत कमी कॅलरी खा. तसेच संध्याकाळी ७च्या आधीच जेवण करा. यामुळे तुमची पोटाची चरबी वाढणार नाही. तसेच मिठाई, तळलेले खाद्यपदार्थ, गोड पेय यापासून दूर राहा. नेहमीच्या जेवणामध्ये आणि दिनक्रमामध्ये तुम्ही काही सोपे बदल केलात तर वजन कमी करण्यासाठी निश्चित तुम्हाला मदत मिळू शकेल.

​आलं खा
आलं सुकवा. या सुक्या आल्याची पावडर म्हणजे थर्मोजेनिकचं मुख्य स्त्रोत्र आहे. यामुळे तुमची वाढलेली अतिरिक्त चरबी कमी होण्यास भरपूर मदत मिळते. पाण्यामध्ये सुक्या आल्याची पावडर मिक्स करा. आणि हे पाणी उकळवा. पाणी थोड्याफार प्रमाणात थंड झालं की याचं सेवन करा. यामुळे चयापचय शक्ती अधिक वाढते तसेच अतिरिक्त चरबी कमी करण्यासाठी भरपूर मदत मिळू शकते. तसेच पोटाची चरबी कमी करण्यासाठी नियमित आहारामध्ये देखील तुम्ही आल्याचा समावेश करा.

पोटाची चरबी कमी करण्यासाठी आयुर्वेदिक उपाय
​त्रिफळाचे सेवन करा
शरीरामधील विषारी पदार्थ बाहेर काढण्यास त्रिफळ अधिक उपयुक्त ठरते. यामुळे तुमची पचनक्रिया देखील अधिक सुधारते. पोटाची चरबी कमी करण्यासाठी त्रिफळाचे चुर्ण अधिक उत्तम मानले जाते. याचे नियमित सेवन करणं गरजेचं आहे. बद्धकोष्ठतेच्या समस्येपासून दूर राहायचं असेल तर गरम पाण्यामध्ये त्रिफळ चुर्ण मिक्स करून तुम्ही त्याचे सेवन करू शकता. तुम्ही तुमच्या दिनक्रमामध्ये काही बदल केलात आणि वरील दिलेले आयुर्वेदिक उपायांचे पालन केलात तर पोटाची चरबी कमी होण्यास सहज मदत मिळू शकते. पण कोणताही उपाय करण्यापूर्वी ओळखीच्या डॉक्टरांचा आवश्य सल्ला घ्या.