बिटाच्या रसाचे दररोज सेवन का करावे?

बीट हे कंदमुळ म्हणून ओळखले जाते. याचा मुबलक प्रमाणात वापर केला जातो. ज्यूसपासून ते लोणच्यापर्यंत याचे विविध प्रकार बनवले जातात. बीट हे स्वादिष्ट असून त्याची चव गोड असते. या गोड चवीमुळे अनेक जण बीट शिजवून खातात तर अनेक जण सॅलड आणि लोणच्यामुळे बऱ्याचदा कच्चे देखील खातात. अलीकडच्या काळात, चव आणि चवीपेक्षा आरोग्याचे उत्तम फायदे असल्यामुळे त्याचे सेवन केले जाते. तसेच बीटमुळे निरोगी आणि तंदुरुस्त राहण्यास मदत होते. 

रक्तदाब नियंत्रित राहतो
बीटरूटचा एक ग्लास रस सरासरी चार ते पाच पॉइंट्सने सिस्टोलिक रक्तदाब कमी करू शकतो. बीटरूटमध्ये भरपूर नायट्रेट्स असतात. जे शरीरात नायट्रिक ऑक्साईडमध्ये बदलतात. नायट्रिक ऑक्साईड रक्तवाहिन्या शिथिल करते आणि प्रक्रियेत रक्त प्रवाह सुधारण्यास मदत होते.

सहनशक्ती वाढवते
बीटरूट ज्यूस हे व्यायामापूर्वीचे सर्वोत्तम पेयांपैकी एक आहे. कारण ते तुम्हाला झटपट ऊर्जा देते. युनिव्हर्सिटी ऑफ हेल्थ अँड स्पोर्ट्स सायन्सेस, एक्सेटर, यूकेच्या संशोधकांना असे आढळून आले की जे लोक त्यांच्या व्यायामापूर्वी एक ग्लास बीटरूटचा रस पितात ते १६ टक्के जास्त व्यायाम करू शकतात. हे तेव्हा होते जेव्हा तुमच्या शरीरात निर्माण होणारा नायट्रिक ऑक्साईड ऑक्सिजनचे उत्पादन वाढवतो आणि उच्च-तीव्रतेच्या व्यायामासाठी सहनशीलता निर्माण करतो.

प्रदूषणापासून होते रक्षण
बीटरूटमध्ये बीटेन भरपूर प्रमाणात असते. एक पोषक तत्व जे पेशी, एन्झाईम्स आणि ऊतींना पर्यावरणाच्या नुकसानीपासून संरक्षण करण्यास मदत करते. तसेच अंतर्गत अवयवांचे संरक्षण करते. हृदयाचे आरोग्य सुधारते आणि इतर रोग टाळण्यास मदत होते.

कर्करोग प्रतिबंधित करते
बीटरूटला गडद रंग देणारे फायटोन्यूट्रिएंट्स कॅन्सरविरूद्ध लढण्यास प्रभावी ठरते. याकरता बीटचा अर्क पाण्यात मिसळून प्यायल्याने मल्टी-ऑर्गन ट्यूमर कमी होण्यासाठी मदत होते. 

रोगप्रतिकारक शक्ती होते मजबूत
बीट हा व्हिटॅमिन सीचा एक समृद्ध स्रोत आहे. जो रोगांविरूद्ध शरीराची प्रतिकारशक्ती सुधारण्यासाठी ओळखला जातो. यामध्ये फायबरचे प्रमाणही जास्त असते. यामुळे तुमचे पोट दीर्घकाळ भरलेले राहते आणि भूक कमी लागते. बीटरूटमध्ये आढळणारे पोटॅशियम मज्जासंस्था आणि स्नायूंच्या गटांच्या योग्य कार्यासाठी आवश्यक आहे. बीटरूटमध्ये मॅंगनीज देखील असते. जी तुमची हाडे, यकृत, मूत्रपिंड आणि स्वादुपिंडासाठी चांगले असते.

कोलेस्टेरॉल होते कमी
बीट खाण्यामुळे शरीरातील वाईट कोलेस्टेरॉल कमी होण्यास मदत होते. त्यामुळे हार्ट अटॅकचा धोका कमी होण्यास मदत होते. तसेच बीटमुळे हृदयाच्या मांसपेशीही मजबूत होण्यास मदत होते. 

स्टॅमिना वाढतो
दररोज दोन कप बिटाचा रस प्यायल्यामुळे व्यायामासाठीचा स्टॅमिना वाढण्यास मदत होते. शरीरातील रक्तप्रवाह वाढून व्यायामाचा योग्य फायदा होण्यास मदत होते. 

मासिक पाळीच्या तक्रारी होतात दूर
कच्च्या बीटचे सेवन केल्यामुळे मासिक पाळीसंबधीत असणाऱ्या सर्व तक्रारी दूर होण्यासाठी मदत होते. तसेच बिटाच्या सेवनाने स्त्रियांमध्ये रक्त आणि हिमोग्लोबिन वाढते. बीटात फॉलिक अॅसि़ असल्याने गरोदर स्त्रियांसाठी बीट उपयुक्त ठरते.  

रक्त वाढते
बीटमध्ये मुबलक प्रमाणात लोह आणि फॉलिक अॅस्ड असते. त्यामुळे रक्त वाढण्यास मदत होते. रक्त वाढीसाठी रोज सकाळी १ कप बीटाचा रस घ्यावा.