गरोदरपणात मेथीची भाजी?

प्रेग्नेंसीमध्ये | या | भाज्या अतिप्रमाणात खाल्ल्यास वाढू शकतात आजार, बाळालाही पोहचू शकतो धोका!

प्रेग्नेंट महिलांना निरोगी व सुदृढ राहण्यासाठी आणि बाळाच्या योग्य विकासासाठी आपल्या डाएटची खूप काळजी घ्यावी लागते. खरं तर सर्वच भाज्या या आरोग्यासाठी चांगल्या असतात पण काही भाज्या प्रमाणात खाणंच उत्तम ठरतं.

pregnant woman should not eat these vegetables in marathi
प्रेग्नेंसीमध्ये | या | भाज्या अतिप्रमाणात खाल्ल्यास वाढू शकतात आजार, बाळालाही पोहचू शकतो धोका!


गरोदरपणात स्त्रीने चांगला आहार घेणे अत्यंत गरजेचे असते. कारण हा आहाराच स्त्रीला सुदृढ आणि निरोगी ठेवतो. या आहारात भाज्यांचा समावेश आवर्जून करण्याचा सल्ला अनेकजण देतात. कारण भाज्यांमध्ये अशी पौष्टिक तत्त्वे असतात जी गरोदर स्त्रीच्या शरीरासाठी खूप महत्त्वाची असतात. पण तुम्हाला हे ऐकून आश्चर्य वाटेल की प्रत्येक भाजी ही गरोदर स्त्रीसाठी चांगली असेतच असे नाही. काही भाज्या अशा असतात ज्यांचे सेवन स्त्रीने गरोदरपणामध्ये टाळले पाहिजे.


कारण अशा भाज्या स्त्रीला गरोदरपणात लाभ मिळवून देण्याऐवजी नुकसान करतात. या गोष्टीबद्दल सर्वसामान्य स्त्रियांना माहित नसल्या कारणाने अनेक स्त्रियांना गंभीर समस्यांमधून जावे लागते. आज आपण या लेखातून त्याच भाज्यांबद्दल जाणून घेणार आहोत, ज्या गरोदर स्त्रीने गरोदरपणात खाऊ नयेत.
कोबी आणि लेटस

कोबीची भाजी गरोदर स्त्री खाऊ शकते परंतु यांचे जास्त सेवन गरोदर स्त्रीने करू नये. कोबीचे मर्यादेपेक्षा जास्त सेवन केल्याने गरोदर स्त्रीला मोठ्या समस्यांना सामोरे जावे लागू शकते. कारण या भाजीमध्ये कीटकनाशक आणि जंतू असू शकतात हे फूड पॉयजनिंगला आमंत्रण देऊ शकतात. असे म्हणतात कि लेटस मध्ये टोक्‍सोप्‍लाज्‍मोसिस आणि लिस्‍टीरिया नामक जंतू असतात हे गरोदर स्त्रीच्या नाजूक शरीरासाठी घातक ठरू शकतात. हे जंतू तापाला कारणीभूत ठरू शकतात यामुळे आई आणि बाळ दोघांना मोठ्या त्रासातून जावे लागू शकते.


वांगी आणि पपई

वांगी ज्या मातीमध्ये उगवली जाते त्यात टोक्‍सोप्‍लाजमोसिस असते जे मुदत पूर्व डिलिव्हरीला कारणीभूत ठरू शकते. म्हणून आहारात वांग्याचा वापर करण्यापूर्वी वांगी योग्य पद्धतीने स्वच्छ करून घ्यावीत. जास्त प्रमाणात वांगी खाल्ल्याने काही स्त्रियांना अॅलर्जी देखील होऊ शकते. अशावेळी खाज येणे वा पुरळ उठणे यांसारखी लक्षणे दिसू लागतात. गरोदरपणात पचनशक्ती कमजोर असल्यामुळे वांगी खाल्ल्याने अॅसिडीटीची समस्या वाढू शकते. म्हणूनच गरोदरपणात कमीत कमी वांगी खाण्याचा सल्ला दिला जातो. गरोदर स्त्रियांना खास करून गरोदरपणाच्या पहिल्या तीन महिन्यांमध्ये पपई खाण्यास मनाई केली जाते. पपई खाल्ल्याने पोटदुखी आणि मुदतपूर्व डिलिव्हरी होऊ शकते.


स्प्राऊट्स आणि आले

फूड अँड ड्रग एडमिनिस्ट्रेशन यांच्या अहवालानुसार गरोदर स्त्रियांनी कच्चे स्प्राऊट्स खाल्ले नाही पाहिजेत. स्प्राऊट्स मध्ये साल्मोनेला, लिस्‍टीरिया आणि ई.कोलाई सारखे जंतू असू शकतात. हे विषाणू गरोदर स्त्री आणि तिच्या बाळासाठी अजिबात सुरक्षित नसतात. हे विषाणू शरीरात गेल्यास मोठ्या प्रकारे नुकसान करू शकतात. आले सेवनाने गरोदरपणात निर्माण होणारी मोर्निंग सिकनेसची समस्या कमी होते परंतु आल्याचे जास्त सेवन करने हानिकारक ठरू शकते हे सुद्धा लक्षात ठेवावे. जर गरोदरपणाच्या पहिल्या तिमाहीमध्ये आले खाल्ले तर त्यामुळे मिसकॅरेज होऊ शकते.


कारले आणि गाजर

गरोदरपणात कारले खाता येते परंतु याचे जास्त सेवन केल्याने पोटदुखी, अपचन आणि अतिसार यांसारख्या समस्या निर्माण होऊ शकतात. तुम्ही गरोदरपणामध्ये आठवड्यातून एक किंवा दोन कप कारली खाऊ शकता पण त्यापेक्षा जास्त प्रमाणात कारली खाऊ नयेत. अधिक प्रमाणात गाजर खाल्ल्याने सुद्धा स्कीनचा रंग पिवळा पडू शकतो. गाजर मध्ये कॅरोटीन असते आणि त्याचे खूप सेवन केल्याने कॅरोटिनीमिया होऊ शकतो. गाजर मध्ये व्हिटॅमिन ए असते आणि व्हिटॅमिन ए ची अधिक मात्रा निर्माण झाल्यास बाळाच्या विकासात अडथळा होऊ शकतो. गाजराचा ज्यूस देखील गरोदर स्त्री साठी चांगला मानला जात नाही. यामुळे डोकेदुखी आणि थकवा होऊ शकतो.


वजन सतत वाढत असल्यास

गरोदरपणात जर तुम्हाला वाटत असेल की तुमचे वजन वाढले आहे तर तुम्ही तुमच्या आहारात अनहेल्दी कॅलरीचे प्रमाण कमी करू शकता. यात पोषक तत्वांनी परिपूर्ण असणाऱ्या लो कॅलरीच्या पदार्थांचा समावेश करा. तुम्ही थोड्या थोड्या वेळाने कमी प्रमाणात आहार घेतला पाहिजे. तुम्ही आपल्या गरोदरपणाच्या डायट मध्ये लो फॅट दही किंवा दुध, तळलेले भाजले पदार्थ यांच्या जागी रोस्टेड किंवा शिजवलेले अन्न, ताज्या भाज्या आणि फळांचे सलाड, घरगुती जेवण, ब्राऊन ब्रेड, ब्राऊन राईस किंवा होल व्हीट ब्रेड खा. आपल्या आहारात आवर्जून प्रोटीनचा समावेश करा.