लहान बाळ लाळ का गळते?

लहान मुलांच्या तोंडातून लाळ का गळते?

तुमच्या सुद्धा कानावर ही गोष्ट असेल की जर गरोदरपणात स्त्रीचे डोहाळे पूर्ण झाले नाही तर जन्माला येणाऱ्या तिच्या बाळाच्या तोंडातून लाळ गळत असते. संपूर्ण भारतामध्ये लोकं ही गोष्ट मानतात. तुम्ही देखील कित्येक लहान बाळाच्या तोंडून अशी लाळ गळताना पाहिली असेल आणि तुम्ही सुद्धा या गोष्टीवर नक्की विश्वास ठेवला असेल. पण तुम्हाला कधी प्रश्न पडला आहे का की असे खरेच होते का?

आईच्या आहारा संबंधी इच्छा पूर्ण न झाल्यास त्याचा बाळावर परिणाम कसा काय होऊ शकतो? ही गोष्ट कितपत शक्य आहे? यामध्ये किती प्रमाणात तथ्य आहे? यामागे काही वैज्ञानिक आधार आहे का?

बाळाची लाळ गळण्याचे कारण

6 ते 8 महिने बाळाला दात येत नाहीत परंतु याची प्रक्रिया 3 महिने वयापासूनच सुरु होते. म्हणून 3 महिन्याच्या बाळाच्या तोंडून लाळ गळण्यास सुरुवात होते. दात आल्यावर लाळ जास्त गळायला सुरुवात होते. जर बाळाला जास्त वेळ तोंड उघडे ठेवण्याची सवय असेल तरी सुद्धा त्याच्या तोंडून लाळ गळू शकते. जर बाळ कोणत्या पदार्थावर लक्ष केंद्रित करत असेल आणि त्याचा मेंदू उत्तेजित होत असेल तर त्यामुळे जास्त सलाईवा तयार होते आणि बाळाला सलाईवाला गिळायचे असते हे माहित नसते. याच कारणामुळे बाळाची लाळ गळू लागते.

जास्त लाळ गळणे

लाळ गळण्याच्या नॉर्मल वयानंतर बाळाच्या तोंडात जास्त सलाईवा तयार झाल्यावर बाळाची जास्त लाळ गळू शकते. जर दोन वर्षे वयानंतर सुद्धा बाळाची लाळ गळत असेल तर तुम्हाला डॉक्टरला एक समस्या म्हणून ही गोष्ट दाखवायला हवी. जास्त सलाईवा तयार झाल्यावर तोंड आणि जिभेच्या खराब ताळमेळा मुळे सुद्धा लाळ गळू शकते. याचा ताळमेळ सध्या न झाल्यास बाळ सलाईवा गिळू शकत नाही. अशा स्थितीमध्ये जाणकारांचा सल्ला घेणे आणि त्याच्या मार्गदर्शनाखाली उपचार घेणे योग्य ठरते. ही गंभीर समस्या नसून योग्य उपचारांनी बरी होऊ शकते.

लाळ गळण्यावर उपाय

बाळाच्या शारीरिक विकासामध्ये लाळ गळणे हा एक महत्त्वपूर्ण भाग आहे. पण बाळ दोन वर्षाचे होऊन देखील लाळ गळत असेल तर ही नक्कीच सामान्य गोष्ट नाही आहे. या स्थितीमध्ये डॉक्टरांना अवश्य दाखवावे. बाळामधील काही लक्षणांची पडताळणी करूनच डॉक्टर काय उपाय करायचे ते ठरवतात. काही काही प्रकरणांमध्ये वेगळी लक्षणे दिसल्यास स्पेशल ट्रिटमेंटची देखील गरज भासते. अशावेळी पालकांनी अजिबात घाबरून न जाता जाणकारांकडून योग्य उपचार घ्यावेत. काही काळातच समस्या दूर होईल.

डॉक्टर कोणती लक्षणे तपासतात

दोन वर्षांपेक्षा जास्त बाळाच्या तोंडून लाळ गळत असेल तर अशावेळी डॉक्टर काही लक्षणांची तपासणी करतात आणि त्यानुसार आपल्या उपचाराला दिशा देतात. त्यापैकी काही महत्वाची लक्षणे आपण जाणून घेऊ. डॉक्टर तपासतात की बाळाला ओठ बंद करता येत आहेत का आणि जीभ फिरवता येत आहे का? बाळाची अन्न गिळण्याची क्षमता कितपत ठीक आहे? नाक बंद आणि जड तर नाही ना? बाळाला नेच्युरल स्वालोइंग रिफ्लेक्स तर नाही आहे ना? बाळाचे पोश्चर आणि जबडा तर ठीक आहे ना? ही काही लक्षणे तपासून घेणे उपचाराआधी महत्त्वाचे ठरते.

डॉक्टर काय उपचार करतात?

एकदा का लक्षणांची तपासणी झाली की डॉक्टर उपचाराला सुरुवात करतात. त्यापैकी काही महत्त्वाचे उपचार आपण जाणून घेऊया. बाळाच्या आहारामध्ये एसिडिक पदार्थांचा समावेश कमी करणे, बाळाच्या अन्न गिळण्याच्या क्षमतेवर काम करणे, चेहऱ्याच्या स्नायुंना टाइट करणे, बाळाच्या ओरल सेन्सरी मध्ये सुधारणा घडवून आणणे ज्यामुळे बाळाला जाणीव होईल की त्याचे तोंड आणि चेहरा कधी ओला होत आहेत. जबडा, गाल आणि ओठांना ओरल मोटार थेरेपी देऊन मजबूत करणे. या थेरेपी मुळे बाळ सलाईवाला योग्य प्रकारे गिळू शकतो. या मेडिकल कारणांमधून आता तुमच्याही लक्षात आले असेल की बाळाची लाळ गळणे आणि आईचे डोहाळे पूर्ण न होणे यांचा काही संबंध नाही.