लवकरात लवकर वजन कसे कमी करावे?

सध्याच्या धावपळीत आपल्या शरीराकडे लक्ष देण्यासाठी कोणालाच वेळ नाही. प्रत्येक जण व्यस्त झाला आहे. दररोज सकाळी उठायचे आणि दिवसाची सुरुवात करायची. दिवसभर काम आणि रात्री पुन्हा झोपायचे, असे अनेकांचे शेड्युल झाले आहे. त्यात ज्या व्यक्ती वर्क फॉर्म होम करत आहेत. त्यांची परिस्थिती अधिकच बिकट झाली आहे. कारण सतत बैठ काम आणि शरीराची हालचाल होत नसल्याचे वजन वाढले आहे. विशेष म्हणजे या वाढत्या वजनाने अनेक आजारांना देखील निमंत्रण दिले आहे. अनेक महिलांना पीसीओडीची समस्या उद्भवू लागली आहे. तर बऱ्याच जणांना मधुमेहाची समस्या दिसू लागली आहे. यावर आजारांनी लोक हैराण झाले आहे. सुटलेले पोट आणि वाढलेले वजन कसे कमी करावे? असा एकच प्रश्न अनेकांच्या समोर उपस्थित आहे. 

विशेष म्हणजे लठ्ठपणा हे बहुतेक रोगांचे मूळ आहे. अशा परिस्थितीत जर तुम्हाला स्वतःला तंदुरुस्त ठेवायचे असेल तर आधी तुमचे वजन कमी करणे फार गरजेचे आहे. खाण्याच्या चुकीच्या सवयींमुळे वजन झपाट्याने वाढते आणि अनेक आजार शरीरात वाढू लागतात. मात्र, तुम्ही तुमच्या काही सवयी बदल्यास यातून तुमची सुटका होऊ शकते. यासाठी नेमके काय करावे, हे आज आपण जाणून घेणार आहोत. 



वजन कमी करण्यासाठी 'या' गोष्टी करा फॉलो :

भरपूर पाणी प्या
दररोज ३ ते ४ लीटर पाण्याचे सेवन करा. विशेष म्हणजे तुमच्या दिवसाची सुरुवात देखील पाण्याने करणे महत्त्वाचे आहे. सकाळी उठून रिकाम्या पोटी १-२ ग्लास पाणी प्या. यामुळे चयापचय वाढण्यास मदत होते. तसेच जेवणाच्या अर्धा तास आधी पाणी पिणे फार गरजेचे आहे. वजन कमी करायचे असेल तर रोज गरम पाणी प्यावे. यामुळे तुमचे शरीर डिटॉक्स होईल आणि चयापचय देखील जलद होईल. गरम पाणी तुम्हाला स्लिम बनवण्यास मदत करते. 

जंकफूड 
जंकफूड कोणाला खायला आवडत नाही. अगदी लहान मुलांपासून ते मोठ्यांपर्यंत आजकाल सर्वच जण जंकफूडच्या आहारी गेले आहेत. जंकफूड खाणे टाळावे. बर्गर, पिझ्झा यामध्ये मैद्याचा वापर केला जातो. आणि मैदा आपल्या शरीरासाठी हानिकारक आहे. त्यामुळे जंकफूड शक्यतो खाऊ नये. तसेच तेलकट पदार्थ खाणेही टाळावे. 

गोड पदार्थ खाणे टाळा
वजन कमी करण्यासाठी सर्वात आधी तुम्हाला गोड गोष्टींना टाटा बाय बाय करावे लागेल. तुम्हाला वजन कमी करायचे असेल तर मिठाई आणि चॉकलेटपासून दूर रहावे लागले. मिठाई खाल्ल्याने चयापचय मंदावते आणि वजन वाढते. 

प्रथिनांचे प्रमाण वाढवा
लठ्ठपणा कमी करण्यासाठी दिवसभर प्रथिनांचे प्रमाण घेणे आवश्यक आहे. तुमच्या जेवणात पनीर, दही, कडधान्ये आणि राजमा जास्त खा. प्रथिने भूक कमी करतात. ज्यामुळे तुम्ही जास्त खाणे टाळता. तसेच ताटात जास्त भाज्या, सॅलड ठेवा. यामुळे तुमचे शरीर निरोगी राहिल आणि वजनही नियंत्रणात राहिल. त्याचप्रमाणे झोपण्याच्या अर्धा तास आधी फॅट फ्री दूध प्या. त्याचप्रमाणे खाली बसून हळूहळू खाण्याची सवय लावा. त्यामुळे अन्न पचते आणि काही वेळाने भूकही लागणार नाही. जेवणाच्या ताटात जास्त घेण्याची सवय असेल तर हाताने न खाता चमच्याने खा. सवय निघून जाईल. यासोबतच तुम्हाला कमी अन्न खाण्याचीही सवय लागेल. टिव्ही, मोबाईल वगैरे पाहताना जेवू नये. यामुळे आमचे लक्ष पूर्णपणे त्याच्याकडे असते. त्यामुळे आपण थोडे जास्त अन्न खातो.

ग्रीन टी प्या
जर तुमची मेटाबॉलिज्म चांगली असेल तर तुमचे वजन वाढत नाही. यासाठी 2-3 वेळा ग्रीन टी पिणे आवश्यक आहे. ग्रीन टी तुमची चरबी जलद बर्न करेल. त्यामुळे दुधा ऐवजी आल्याचा चहा किंवा ग्रीन टी पिण्याची सवय लावा. कारण ग्रीन टी वजन कमी करण्यास मदत करते.

आईस्क्रीम आणि शीतपेये खाणे टाळा
वजन कमी करण्याचा विचार करत असाल तर आईस्क्रीम आणि शीतपेये पिणे टाळा. 

व्यायाम करा
दररोज सुमारे ३० - ४५ मिनिटे वेगाने चाला. जर तुम्हाला जास्त चालता येत नसेल तर योग आणि व्यायामाचा अवलंब करा. तुम्ही जितका जास्त घाम गाळाल तितक्या वेगाने तुमचे वजन कमी होईल. तुमचे घर ४-५ मजल्यावर असेल तर लिफ्टऐवजी पायऱ्यांचा वापर करा.