बाळाला न रडता कसे जागे करावे

बाळ रात्री अचानक रडू लागत असेल तर त्याला असू शकतात ह्या समस्या!

बाळ रडू लागलं की त्याच्या आई-वडिलांना वाईट वाटणं किंवा टेन्शन येणं सहाजिकच आहे. कारण एकतर लहान बाळाला बोलता येत नसल्याने त्याचं काही दुखलं-खुपलं तरी ते ओळखणं आपल्यासाठी जडं जात. पण मग आम्ही सांगितलेल्या पद्धतीने तुम्ही त्याच्या रडण्याचा अंदाज लावून त्यावर उपचार करू शकता.
 
काहीही म्हणा लहान बाळ हे हसतानाच खूप छान दिसतं. रडणारं बाळ हे कोणालाच आवडत नाही. पण काय करणार, शेवटी तो पण एक जीव आहे आणि रडणं हा त्याचाही स्वभावच आहे. बाळाचं रडणं ही अतिशय सामान्य गोष्ट आहे, हि एक प्रकारची प्रक्रिया आहे ज्या माध्यमातून ते त्याला काहीतरी हवं असल्याचं आपल्याला सांगतो. पण कधी कधी हे बाळ अचानक रात्रीचं रडू लागतं. तेव्हा मात्र त्याला काहीतरी समस्या असल्याची शक्यता नाकारता येत नाही. लहान बाळांची झोप हि आपल्या मोठ्या माणसांच्या तुलनेत थोडी वेगळी असते. बाळाच्या रडण्याची अनेक करणे असू शकतात, जी समजणं घेणं थोडं कठीण आहे. म्हणजे नेमका तो कोणत्या गोष्टीसाठी रडतो आहे याचा अंदाज कोणी लगेच लावू शकत नाही. पण तुम्हाला माहित आहे का रात्रीचं बाळ हे का रडतं? जर तुम्ही नवीनच आई वडील झाले असाल तर हि महत्त्वपूर्ण गोष्ट तुम्हालाही माहित असायला हवी. चला तर जाणून घेऊया.

वेदना होणे
लहान बाळ रात्रीच्या वेळी रडण्याचं सगळ्यात सामान्य कारण म्हणजे त्याच्या पोटात गॅस तयार होणे. हा गॅस कधी कधी मोठ्या लोकांना इतक्या वेदना देते तर त्या लहान जीवाचं काय होत असेल. म्हणून रात्रीचं बाळ अचानक रडू लागलं कि त्याला गॅस झाला आहे असं समजावं. दुध पाजताना किंवा बॉटल मधून दुध पिताना हवा सुद्धा त्यांच्या पोटात जाते आणि त्यामुळे पोटात गॅस निर्माण होते. हा त्रास त्याला होऊ द्यायचा नसेल तर दुध पाजल्यावर त्याला ढेकर काढू द्यावा. जर त्याने ढेकर काढला तर ते दुध त्याला पचतं. बाळाच्या पाठीवर हळूहळू चोळल्याने सुद्धा हा गॅस निघून जाऊ शकतो.

बाळाचं डायपर तर ओलं नाही ना?
जर तुमचं बाळ रात्रीच्या वेळेस अचानक रडू लागलं तर याचं दुसरं एक कारण असू शकतं की त्याचं डायपर ओलं झालं असावं. ओल्या डायपर मध्ये मुलाला झोप लागत नाही, त्याची झोपमोड होते. त्यामुळे अशा वेळेस सर्वप्रथम त्याचे डायपर तपासावे. तुम्ही सुद्धा पाहिलं असेल कि रात्रीचं बाळ अचानक रडत उठलं कि त्याची आई त्याने डायपर ओलं केलंय का ते पाहते. नेहमी चांगल्या गुणवत्तेचं डायपर वापरावं जेणेकरून ते ओलं झालं तरी त्याचा ओलावा बाळापर्यंत न पोहचून त्याची झोपमोड होणार नाही.

थंडी किंवा गरमीमुळे
उन्हाळा सुरु असेल आणि रात्रीच्या वेळेस बाळ रडत उठलं कि पहिलं तपासावं त्याला जास्त घाम तर आलेला नाही ना! उन्हाळ्याच्या ऋतूत जर तुम्ही बाळाला खूप कपडे अंगावर चढवून झोपवलं असले तर साहजिकच त्याला गरम होऊन तो किरकिर करायला सुरुवात करणार. कारण उकाड्यामुळे त्याला झोप लागणार नाही. म्हणून तसं वाटलं तर लगेच सगळे कपडे काढून त्याला शांत होऊ द्यावं. गरम कमी झालं कि तो स्वत:हून झोपी जाईल. थंडीच्या वेळेस मात्र याच्या उलट करावं. जास्त थंडी लागल्यास तो झोपणार नाही. अशावेळेस त्याच्या शरीरावर चांगले उष्णता देणारे कपडे घालावेत.

बाळाला भूक तर लागली नाही ना?
रात्री झोपण्या आधी बाळाची भूक पूर्ण झाली नसेल तर तो हमखास अचानक रात्री उठून मला भूक लागली आहे हे रडण्याच्या स्वरात तुम्हाला सांगणार. अर्थात हे पालक म्हणून तुम्हालाही ओळखता आलं पाहिजे. वर सांगितलेल्या समस्या जर त्याच्यात दिसत नसतील तर त्याला भूक लागली आहे असे समजावे आणि त्याचे आवडते अन्न त्याला भरवावे. खास करून आईने त्याला दुध पाजावे कारण नवजात बाळ हे नेहमी आईच्या दुधालाच भूकेलं असतं. जर बाळ तीन महिन्यांपेक्षा कमी वयाचं आहे तर ते वारंवार रात्रीच्या वेळेस हा त्रास देणारच कारण या काळात त्याला भूक खूप असते.

दात येत असल्यामुळे होणाऱ्या समस्या
बाळाचे वय हे ४ महिन्याच्या आसपास आहे आणि तो रात्रीचा रडत उठत असेल तर समजून जा की त्याचे दात येत आहेत. याचं अजून एक लक्षण म्हणजे त्याच्या तोंडातून खूप लाळ सुद्धा गळायला सुरुवात होते. अशावेळी तुम्ही त्याच्या हिरड्यांची मालिश करावी. त्याच्या हिरड्यांची होणारी जळजळ कमी करण्यासाठी त्याच्या हातात थंड केलेली खेळणी द्यावीत. मुलाला खेळणी तोंडात घालायची सवय असते. अशावेळेस तो थंडी खेळणी चावायाचा तो प्रयत्न करेल आणि त्याच्या हिरड्यांना आराम मिळेल.