गर्भधारणा: ३रा महिना

तुमच्या गर्भाशयात लहानशा ढोलाचा आवाज
तुमचे बाळ अजूनही तुमच्या तळ हातात मावेल एवढे लहान आहे. त्याच्या डोक्यावर केस येत आहेत व संपूर्ण अंगावर लव येत आहे. त्याच्या बोटांच्या टोकांवर लहानसे ठसे विकसित होत आहेत.

तुमचे बाळ तुमच्या गर्भाशयातील गर्भजलात सुरक्षितपणे तरंगत असते. गर्भजलामुळे त्याचे धक्क्यापासून संरक्षण होते व ते उबदार राहते. बाळाला उचकी लागू शकते. यामुळे तुमच्या गर्भाशयात सतत लहानसा ढोल वाजतोय असे काही मिनिटे वाटू शकते.

आता तुमचे मळमळणे बरेच कमी झाले असेल व तुम्हाला अचानक भूक लागल्याचे लक्षात येते. व्यवस्थित खा. दररोज वेगवेगळ्या प्रकारचे पदार्थ खायचे लक्षात ठेवा. प्रत्येक जेवणात मूठभर अधिक खा. अन्न सुरक्षित व ताजे आहे, शिळे किंवा जुने नाही याची कृपया खात्री करा.

तुमचा थकवाही हळूहळू कमी होईल व तुमची ताकद वाढेल. तुमच्या गर्भाशयात आता वार विकसित झाली आहे व ती तुमच्या बाळाला आधार देते. तुमच्या बाळाचा जन्म झाल्यानंतर लगेच ती बाहेर येईल.

तुम्हाला कंबर व स्तनांभोवती कपडे जरा घट्ट होत असल्याचे जाणवेल. तुम्ही गरोदर असल्याचे आता लवकरच दिसू लागेल, कारण तुमच्या पोटावर एक लहानसा उंचवटा दिसू लागेल.

गरोदरपणात तुमची जंतूंना प्रतिकार करण्याची शक्ती कमी होते, त्यामुळे तुम्हाला खूप वेळा खोकला व सर्दी होऊ शकते. हात नियमितपणे साबण व स्वच्छ, सुरक्षित पाण्याने धुवा. तो जंतू नष्ट करण्याचा सर्वोत्तम उपाय आहे.