गरोदर असताना सहा महिने म्हणजे किती आठवडे?

दुसरा काळ हा टळलेल्या पाळी पासून पहिले तीन महिने (१२ आठवडे) ते ६ महिने (२८ आठवडे) हा काळ मानला जातो.

गर्भधारणा: ६वा महिना

तुमचे बाळ तुम्हाला ऐकू शकते, त्याच्यासाठी गाणे म्हणा!
तुमच्या गर्भाशयात आता बाळ नियमित मध्यंतराने उठते व झोपते. ते आता डोळे उघडू शकते व बंद करु शकते, व त्याची बोटे किंवा अंगठा चोखू शकते! यामुळे चोखण्यासाठी आवश्यक असलेले त्याचे स्नायू विकसित होतात म्हणजे जन्मतःच दूध पिण्यासाठी ते पुरेसे सशक्त असते. आता त्याच्या मेंदूची वाढ होत आहे व तो वेगाने विकसित होत आहे.

आता ते आवाजाला प्रतिसाद देऊ शकते. सुरुवातीला त्याला केवळ तुमच्या छातीच्या ठोक्यांसारखे, तुमच्या शरीरातले आवाज ऐकू येतात. मात्र हळूहळू त्याला तुमच्या शरीराच्या बाहेरचेही आवाज ऐकू येतात. तुमच्या बाळासाठी गाणे म्हणा म्हणजे त्याला तुमचा आवाज ऐकू येईल.

तुमचा गर्भाशय तुमच्या छातीच्या पिंजऱ्यापर्यंत आल्यासारखे वाटेल, ज्यामुळे तुम्हाला कदाचित गुदमरल्यासारखे वाटेल. तुमच्या बाळाचा आकार वाढत असल्याने पोट आक्रसू शकेल त्यामुळे खाणे अवघड होऊ शकते. अधिक वेळा थोडे थोडे खा व जेवणादरम्यान अल्पोपहार घ्या.

तुमचे बाळ वाढते तसा तुमच्या पोटाचा आकारही वाढतो. तुमच्या पोटावरील त्वचा ताणली जाते व त्यामुळे खाज उठू शकते. तुमचे पोट, नितंब, खालचा भाग व स्तनांवर लाल चट्टे दिसू शकतील. त्या त्वचा ताणल्याच्या खुणा आहेत व तुम्ही बाळाला जन्म दिल्यानंतर त्या नाहीशा होतील. तुम्हाला पायात पेटके येऊ शकतात किंवा शिरांवर सूज येऊ शकते.

तुमचे स्तन आता अधिक मोठे व जड होतात. याचे कारण म्हणजे ते तुमच्या बाळासाठी दूध बनवायला तयार होत असतात.