पोटदुखीसाठी कोणती पोझिशन्स मदत करतात?

पोट साफ न होणं, पोट फुगणं, गॅस या समस्यांपासून 5 मिनिटांत मिळेल मुक्ती, फक्त करा ‘हे’ 1 काम!

तुम्ही देखील अशा लोकांपैकी एक आहात का ज्यांना सतत पचनाशी संबंधित समस्या होतात. जर उत्तर होय असेल, तर योगासनाद्वारे तुम्ही या समस्येपासून मुक्ती मिळवू शकता. चला तर जाणून घेऊया पुषाण मुद्रेबद्दल माहिती.

मुद्रा हा असा एक प्रतिकात्मक हावभाव आहे ज्यामध्ये बोटे आणि हाताची स्थिती एकदम आगळीवेगळी असते. अशा प्रकारे बोटांची आणि हातांची स्थिती तुम्ही अनेकदा नृत्य करताना, चित्रकला करताना किंवा मुर्त्यांची पाहिली असेल. आपल्या देशात आणि विशिष्ट धर्मात मुद्रेला एक विशिष्ट सांस्कृतिक महत्त्व आहे. असे म्हटले जाते की वेगवेगळ्या मुद्रांमुळे लोकांच्या आरोग्याला अनेक प्रकारे फायदा होतो. असे म्हटले जाते की या मुद्रा शरीराच्या माध्यमातून उर्जेच्या प्रवाहावर परिणाम करतात. आम्‍ही तुम्‍हाला सांगू की मुद्रेच्‍या माध्‍यमातून ग्रहणक्षम ऊर्जा(receptive energy), प्राणवायू आणि समवायू इत्‍यादी सर्व प्रकारच्‍या उर्जेचे संतुलन राखण्‍यात मदत होते. याशिवाय शरीरातील ऊर्जेचा समतोल राखण्यासाठी एसिमलेशन आणि एलिमिनेशन हे देखील महत्त्वाची भूमिका बजावते.

​पुषाण मुद्रा काय आहे?
शरीरात प्रामुख्याने तीन वायू असतात, ज्यांना प्राण, व्यान आणि अपान या नावाने ओळखलं जातं. आम्‍ही तुम्‍हाला सांगू इच्छितो की पुषाण मुद्रा या तिन्ही वायूंसाठी फायदे देऊ शकते. हे माहित हवे की याद्वारे जठराग्नी मजबूत होते, तणाव कमी होतो आणि स्मरणशक्ती देखील चांगली राहते. याशिवाय सर्वात महत्त्वाची गोष्ट म्हणजे ही मुद्रा तुमची पचनक्रिया पूर्णपणे सुधारण्याचे काम करते.

​पुषाण मुद्रेचे फायदे
पुषाण मुद्रा ही कोणत्याही रोगावर उपचार करत नाही. पण ते पोट फुगणे, मळमळ आणि जेवणा नंतर जाणवणा-या सर्व प्रकारच्या जठराशी संबंधित समस्या दूर करू शकते. या शारीरिक समस्यांव्यतिरिक्त पुषाण मुद्रा चिंता आणि तणाव देखील दूर करू शकते. ती मानसिक आणि भावनिक तणावापासून देखील आराम देऊ शकते.
​पुषाण मुद्रा सरळ हाताने कशी करावी

पुषाण मुद्रा करताना दोन्ही हातांची स्थिती इतर अनेक मुद्रांच्या तुलनेत भिन्न असेल. यामध्ये तुमच्या उजव्या हाताची बोटे ग्रहणक्षम स्थितीत असतील तर डाव्या हाताची बोटे एलेमिनेटिंग स्थितीत असतील. अशा स्थितीत ही मुद्रा करण्यासाठी उजव्या हाताने सुरुवात करावी. यामध्ये आपले मधले बोट आणि तर्जनी अंगठ्याच्या टोकावर दाबावी. या काळात अनामिका म्हणजेच रिंग फिंगर आणि करंगळी ताणून ठेवायची आहे. याव्यतिरिक्त तुमचा तळहात फोटोत दाखवल्याप्रमाणे वरच्या दिशेला असेल. या मुद्रेद्वारे जेवणानंतर मोठ्या प्रमाणात होणारी ऍसिड रिफ्लक्सची समस्या दूर केली जाऊ शकते. पुढील स्थिती तुमच्या गॅस, बद्धकोष्ठता, पोट साफ न होणे आणि पोट फुगणे या समस्या नियंत्रित करण्यासाठी मदत करू शकते. यासाठी तुम्ही तुमची अनामिका म्हणजेच रिंग फिंगर आणि करंगळी एकसाथ अंगठ्याने दाबा. त्याचवेळी तर्जनी (index) आणि मधले बोट (middle finger) खुले राहतील आणि तळहात आभाळाच्या दिशेने असेल.

​उलट्या हाताने पुषाण मुद्रा करण्याची पद्धत
जठराच्या समस्यांपासून मुक्ती मिळवण्यासाठी विरुद्ध हाताची पुषाण मुद्रा केली जाते. यासाठी हात उलटा म्हणजेच तळवा जमिनीच्या दिशेने ठेवावा आणि मधले बोट व अनामिका एकाच वेळी अंगठ्याने दाबावी. यादरम्यान तुमची तर्जनी आणि करंगळी बाहेरील बाहेरच्या बाजूला उघडी राहतील. आता तुमच्या हाताचा मागचा भाग मांड्यांवर ठेवा. यासोबतच श्वास घेताना बोटांनी अंगठ्यावरील दाब वाढवा आणि श्वास सोडताना दाब कमी करा आणि नंतर रिलॅक्स व्हा. तुम्ही कोणत्याही स्थितीत या मुद्राचा सराव करू शकता. जसे तुम्ही वज्र मुद्रा किंवा अनुग्रह मुद्रे दरम्यान करू शकता. हे जाणून घेतले पाहिजे की या मुद्रा फक्त पचन सुधारण्याचे काम करतात. ही मुद्रा दररोज पाच मिनिटांच्या अंतराने दररोज 45 मिनिटे करता येते. तसेच ही मुद्रा तुम्ही कधीही करू व कोणत्याही वेळी करू शकता.

​अपान मुद्रा
ही मुद्रा एक अतिशय प्रभावी मुद्रा आहे जी आपल्या शरीराला डिटॉक्सिफाई करण्यास मदत करते आणि खराब पचनाच्या समस्येपासून मुक्त मिळवून देते. याव्यतिरिक्त ही मुद्रा मूत्र मार्गातील विकार म्हणजेच यूरिनरी ट्रैक्ट डिसऑर्डर आणि तणावापासून देखील आराम देते. एवढेच नाही तर जर तुम्ही ही मुद्रा नियमितपणे केली तर त्याचा तुमच्या श्वसन प्रणालीलाही म्हणजेच रेस्पिरेटरी सिस्टमला फायदा होतो आणि बद्धकोष्ठते सारख्या समस्यांपासूनही आराम मिळतो. तसंच या मुद्रेमुळे मल आणि लघवी जाण्याची प्रक्रिया खूप सोपी होते.

अपान मुद्रेची पद्धत
1.ही मुद्रा करण्यासाठी सर्वप्रथम तुम्ही ध्यान मुद्रा, शवासन किंवा सुप्तबद्धासन कोनासन या स्थितीत यावे

2.यानंतर आपल्या दोन्ही हातांचे तिसरे बोट आणि रिंग फिंगर अंगठ्यावर ठेवावे आणि डोळे बंद करावेत आणि आपल्या श्वासांवर लक्ष केंद्रित करावे.

3.हे आसन फक्त आपल्याला 15 ते 20 मिनिटांसाठी करायचे आहे

टीप - हे लक्षात ठेवा की तुम्ही ही आसने फक्त रिकाम्या पोटी केली पाहिजेत. जर तुम्ही जेवला असाल तर जेवणाच्या 2 तासां नंतरच आसन किंवा मुद्रा कराव्यात.