पुरुषाचे शुक्राणू काय असावे जेणेकरून मूल टिकेल?

वडील होण्यासाठी पुरुषाच्या वीर्यातील शुक्राणूंची संख्या व गतिशीलता किती असावी?

माझ्या वीर्यामध्ये शुक्राणूंची संख्या २५ लाख इतकी आहे आणि त्यांची गतिशीलता फक्त 10% आहे व माझी पत्नी सध्या गरोदर आहे.
वडील होण्यासाठी पुरुषाच्या वीर्यातील शुक्राणूंची संख्या व गतिशीलता किती असावी?

प्रश्न - मी २८ वर्षांचा तरुण आहे. माझ्या लग्नाला जवळपास आठ महिने पूर्ण झाले आहेत. माझ्या वीर्यामध्ये रक्त येत असल्याचं मला आढळले होतं. मी डॉक्टरांशी संपर्क साधला, नंतर वीर्य तपासल्यानंतर त्यांनी काही औषधोपचार करण्याचा सल्ला दिला. वीर्य चाचणीत असे दिसून आले की माझ्या वीर्यामध्ये शुक्राणूंची संख्या २५ लाख इतकी आहे आणि त्यांची गतिशीलता फक्त १० टक्के आहे. माझी पत्नी सध्या गरोदर आहे. मी कुठेतरी वाचले आहे की गर्भधारणेसाठी वीर्यातील शुक्राणूंची संख्या ६०-१२० लाख आणि गतिशीलता ६० टक्के असणं आवश्यक आहे. तसे असल्यास माझी पत्नी गर्भवती कशी झाली? कृपया मला याबद्दल तपशीलवार योग्य माहिती द्या.

उत्तर - प्रत्येक पुरुषाच्या वीर्यातील शुक्राणूंची संख्या त्यांच्या आकारमानानुसार आणि गतीनुसार वेगवेगळ्या वेळी बदलू शकते. वीर्यामध्ये रक्तस्त्राव हे प्रोस्टेट ग्रंथीतील संसर्गाचे लक्षण आहे आणि या कारणास्तव तुमच्या डॉक्टरांनी तुम्हाला काही औषधोपचार करण्याचा सल्ला दिला. ते तुमच्या शुक्राणूंमधील संसर्गाची तपासणी देखील करू शकतात आणि योग्य औषधे घेऊन तुम्ही संसर्गमुक्त होऊ शकता.

वैद्यकीय माहिती
वैद्यकीय नियमांनुसार गर्भधारणेसाठी एक मिलीलीटर वीर्यामध्ये शुक्राणूंची संख्या २०-११० लाख असणे आवश्यक आहे आणि त्यांची गतिशीलता ४० टक्क्यांपर्यंत असणं पुरेसे आहे. शुक्राणूंना कोणत्या दिशेला जायचे हे कळत नाही. संभोग करताना अंड्यातून शुक्राणूंना रासायनिक संकेत दिले जातात. वीर्यपतनानंतर पाच पैकी फक्त एकच शुक्राणू योग्य दिशेने येतो. महिलांच्या प्रजनन व्यवस्थेत शुक्राणू टिकू शकतात, पण याचा काळ वेगवेगळा असतो. महिलेच्या शरीरात शुक्राणू पाच दिवस जिवंत राहतात, तर वीर्य कोरड्या जागी सुकताच शुक्राणू नष्ट होतात. पुरुषांच्या लिंगातून बाहेर पडणारे ९० टक्के शुक्राणू हे निरोगी नसतात. म्हणून केवळ निरोगी शुक्राणू अंड्यापर्यंत पोहोचू शकतात. त्यामुळे कोणत्याही प्रकारची शंका मनात ठेवू नका. आपल्या पत्नीची गर्भधारणा आनंददायी करण्याचा प्रयत्न करा आणि बाळाच्या स्वागताची तयारी करा.