तब्येत सुधारण्यासाठी काय करावे लागेल?

जाणून घ्या वजन वाढवण्यासाठी काय खावे

आजकाल बहुतेक लोक लठ्ठपणाने त्रस्त आहेत, परंतु असे बरेच लोक आहेत जे त्यांच्या सडपातळ शरीरामुळे त्रस्त आहेत. अशा लोकांचे शरीर आणि रोगप्रतिकारशक्ती कमकुवत होऊ लागते. वजन कमी होण्यामागे जीवनशैली हेही मोठे कारण आहे. वजन वाढवण्यासाठी निरोगी जीवनशैलीचा अवलंब केला पाहिजे. योग्य आहार आणि व्यायामानेही वजन वाढवता येते. 

वजन वाढवण्यासाठी आहारात करा 'हे' बदल 
उच्च कॅलरी - वजन वाढवण्यासाठी तुम्हाला जास्त कॅलरीयुक्त आहार घेणे आवश्यक आहे. यासाठी कोंडा नसलेले पीठ, भाकरी, भात, बटाटा, रताळे, फुल क्रीम दूध यांचा आहारात समावेश करावा. दही, चीज, रवा, गूळ, चॉकलेट खा. याशिवाय फळांमध्ये केळी, आंबा, चिकू, लिची, खजूर ही फळे खावीत. तुम्ही घरी बनवलेले तूप, ब्रेड, लोणी, दूध, मध किंवा गुलाब सरबत किंवा चॉकलेट घालून मध पिऊ शकता. त्यांच्यापासून शरीराला उच्च कॅलरीज मिळतील.

झटपट आहार - दोन वेळच्या जेवणादरम्यान घरगुती लाडू, मिल्कशेक, उकडलेले हरभरे, पनीर सँडविच, साबुदाण्याची खीर, असे पदार्थ खायला हवेत. याशिवाय कॉर्न सॅलड, खजूर, गूळ-हरभरा, बदाम-बेदाणेही खाऊ शकता. यामुळे ऊर्जा मिळेल आणि वजनही वाढेल.

प्रथिनेयुक्त आहार - वजन कमी झाल्यामुळे स्नायू देखील कमकुवत होतात, अशा स्थितीत, स्नायू मजबूत करण्यासाठी प्रथिनेयुक्त गोष्टी खाव्यात. डाळी, राजमा, चणे, चवळी, मासे, मांस, दही आणि अंडी जरूर खावीत.

फळे-भाज्या - फळांमध्ये केळी, आंबा, चिकू, लिची, द्राक्षे, कस्टर्ड सफरचंद, खजूर खाऊ शकता. तर भाज्यांमध्ये बटाटे, रताळे आणि गाजर सारख्या जमिनीत उगवलेल्या गोष्टी खाऊ शकता.

जास्त आहार - दररोज 300 ते 400 जास्त कॅलरीज शरीराला मिळाल्या तर वजन वाढण्यास मदत होते.

प्रथिने - वजन वाढवण्यासाठी व्यायामानंतर प्रथिनेयुक्त आहार घ्यावा. त्यामुळे स्नायू वाढण्यास मदत होते. पनीर, उकडलेले अंडे किंवा उकडलेले चिकन खाऊ शकता.

व्यायाम - व्यायाम करणे खूप महत्वाचे आहे. फिटनेस ट्रेनरच्या मदतीने व्यायाम करू शकता. यामुळे शरीर मजबूत होईल आणि बॉडी टोनिंग होईल.

जंक फूडपासून दूर राहा - हेरील जंक फूडचा वापर कमीत कमी करायला हवा. यामुळे चुकीच्या पद्धतीने वजन वाढते ज्यामुळे शरीराला अनेक आजारांचा सामना करावा लागतो. त्यामुळे बाहेरचे खाणे टाळावे.



वजन वाढवण्यासाठी घरगुती उपाय / जाड होण्यासाठी उपाय / तब्येत सुधारण्यासाठी घरगुती उपाय

खालील दिलेल्या घरगुती उपायांचा नियमित अवलंब केल्यास आपण वजन वाढवू शकता. चला तर मग बघूयात वजन वाढवण्याचे काही गुणकारी उपाय.
पूर्ण झोप – वजन वाढवण्यासाठी फायदेशीर
पूर्ण झोप - तब्येत सुधारण्यासाठी घरगुती उपायपुर्ण वेळ झोप ही अत्यंत गरजेची आहे

हल्लीच्या धावपळ व कामाचा अतिरिक्त ताण असल्याने आपली झोप कमी होते व त्यांचे पडसाद आपल्या शरीरावर आपल्याला जाणवतात त्यामुळे भरपूर झोप घ्या. दररोज कमीत कमी ७ तासांची झोप ही तुमच्या शरीराला गरजेची आहे. चांगली झोप घेतल्याने देखील वजन वाढण्यास मदत होते. तुमच्या शरीराला पुरेसा आराम मिळाल्यास तुम्ही जे काही खाता त्याच्या तुमच्या शरीरावर चांगला परिणाम दिसतो. त्यामुळे तुम्हाला जर वजन वाढवायचे असेल तर नियमित पणे पुरेशी झोप गरजेची आहे.

बटाटा – तब्येत सुधारण्यासाठी घरगुती उपाय

वजन वाढवण्यासाठी बटाटयाचा तुमच्या जेवणात सहभाग असणे गरजेचे आहे. बटाटा मध्ये कार्बेहाइड्रेटस असते जे की तुमचे वजन वाढवण्यासाठी फायदेशीर असते. त्यामुळे जर तुम्हाला वजन वाढवायचे असेल तर बटाटा खाल्लाच पाहिजे. शक्यतो उकडलेला बटाटा खावा आणि तळलेला बटाटा खाणे टाळा. असे केल्याने तुम्हाला 2 महिन्यां मध्ये फरक दिसायला सुरवात होईल.

केळे – वजन वाढवण्यासाठी उपाय
केळे - वजन वाढवण्यासाठी घरगुती उपाय / तब्येत सुधारण्यासाठी घरगुती उपायकेळे – वजन वाढवण्यासाठी घरगुती उपाय
केळ हा एक प्रकारे संपूर्ण आहार मानला जातो. केळ्यात असणारे कॅलरीज व कार्बोहायड्रेट वजन वाढवण्यासाठी फायदेशीर आहेत. त्यामुळे दररोज किमान दोन केळी खाल्याने लवकरच तुम्हाला फरक जाणवेल.
खजूर – तब्येत सुधारण्यासाठी घरगुती उपाय
खजूर आणि दूध - जाड होण्यासाठी काय खावे खजूर आणि दूध – जाड होण्यासाठी उपाय

खजूर खाल्ल्याने ही वजन वाढण्यास मदत होते. रोज रात्री दूधात खजूर भिजत ठेवून ते खजूर सकाळी खाल्याने व दूध पिल्यानेही वजन वाढवण्यास मदत होतो. हा प्रयोग तुम्ही कमीत कमी २ महीने सलग न चुकता केल्यास तुम्हाला तुमच्या वजनात आमुलार्ग बदल झालेला दिसेल.
मनुका
मनुका - जाड होण्यासाठी घरगुती उपायमनुका – जाड होण्यासाठी उपाय

मनुका रात्री पाण्यात टाकून भिजत ठेवा आणि सकाळी उठल्या वर त्याचे सेवन करा. मनुका हा फँटस ला हेल्दी कॅलरीज मध्ये बदलतो ज्यामुळे तुमचे वजन वाढते. मनुका सोबतच तुम्ही आक्रोड व बदाम देखील नियमित पणे खाऊ शकता. सतत दोन महिने जरी तुम्ही हा प्रयोग केल्यास तुम्हाला तुमचे वजन वाढल्याचे नक्की जाणवेल.
नारळाचं तेल – तब्येत सुधारण्यासाठी फायदेशीर
नारळाचे तेल - वजन वाढवण्यासाठी घरगुती उपाय / तब्येत सुधारण्यासाठी घरगुती उपायनारळाचे तेल – तब्येत सुधारण्यासाठी घरगुती उपाय

तुम्ही आता तुमच्या स्वयंपाका मध्ये मोहरी,सूर्यफूल किंवा शेंगदाणा तेल वापरत असाल पण काही दिवस तुम्ही जेवण हे मोहरी किंवा कोणत्याही रिफाइंड ऑईल मध्ये बनवण्या पेक्षा नारळाच्या तेलात बनवावे. नारळांच तेल हे दुबळेपणा दूर करून वजन वाढवण्यास गुणकारी आहे.दक्षिणे कडील लोक नारळाचे तेल आहारात वापरतात आपल्या कडच्या लोकांना त्याची सवय नसल्यामुळे ते आपल्याला नको वाटते परंतु नारळाचे तेल आपल्या शरीरासाठी अत्यंत गुणकारी आहे.
काळे चणे
काळे चणे - जाड होण्यासाठी काय करावे / तब्येत सुधारण्यासाठी घरगुती उपायकाळे चणे

काळे चणे वजन वाढवण्यास फायदेशीर ठरतात. काळया चण्यांमध्ये प्रोटीन असतात जे की तुमच्या शरीरा साठी फायदेशीर असतात. खजूर आणि मनुक्या प्रमाणेच रोज रात्री थोडे काळे चणे पाण्यात भिजत ठेवून सकाळी उठल्यावर त्याचे सेवन करा. तुमचे वजन वाढण्यास नक्कीच मदत होईल.
अश्वगंधा

वजन वाढवण्यासाठी अश्वगंधा हा आयुर्वेदिक पर्याय आहे. एक ग्लास दूधात साधारण पणे २ चमचे अश्वगंधा पावडर मिसळून पिल्याने त्याचा नक्कीच वजन वाढण्यास फायदा होतो. दिवसां तून दोन वेळा याचे सेवन करावे. असे केल्यास साधारण २ महिन्यां मध्ये तुम्हाला तुमच्या वजनात फरक जाणवेल.

     वरील उपायांचा वापर करत असतांना आपण एक गोष्ट लक्षात ठेवणे फार महत्वाचे आहे की, कमी किंवा जास्त खाल्याने आपले वजन कमी किंवा जास्त होत नाही. परंतु आपल्या शरीराला काही प्रथीने व सकस किंवा संतुलित आहार गरजेचा असतो त्यामुळे या सर्व गोष्टींचा आपल्या शरीरा वर होणारा परिणाम आपण समजला पाहिजे.